विश्वकप फुटबलपछि सर्वाधिक प्रतिष्ठित र लोकप्रिय मानिने युरो कप अब ८ दिन पछाडि फ्रान्समा सुरू हुँदै छ।
१५ औं सस्करणको युरोकप आगमी जुन १० तारिखबाट सुरू भई जुलाई १० मा समापन हुने छ। युरोकपमा यस पहिलेको तुलनामा केहि फरक हुने छ । सन् १९९६ बाट सुरु भएको युरोकपका अघिल्ला संस्करणमा १६ टिम सहभागी हुँदै आएकोमा यो वर्ष युरो कपको इतिहासमा पहिलोपल्ट २४ टोलीले प्रतिस्प्रधा गर्न लागेका छन्। जसलाई युरोपियन फुटबल एसोसिएसन (यूएफा) ले ६ समूहमा बिभाजन गरेको छ।
युरोकप हुने रंगशाला
यसपटकको युरो कप फ्रान्सको बिभिन्न १० सहरमा हुने भएको छ। उद्घाटन र फाइनल खेल सेन्ट डेनिसस्थित राष्ट्रिय रंगशाला स्टेड डी फ्रान्समा हुने छ।
त्यसबाहेक अन्य खेलहरु राजधानी पेरिस, मार्सिले, लीयोन, नाइस, लिल्यो, ल्यान्स, सेन्ट इट्टेने, बौर्डिओक्स र टोउलुस लगायतका शहरमा हुने भएका छन्।
स्टेड डे फ्रान्स
यो रंगशालामा यूरोकपको औपचारिक उद्घाटन हुने छ । र फाइनल समेत हुने छ । सेन्ट डेनिसमा रहेको यो रंगशाला फ्रान्सको राष्ट्रिय रंगशाला हो।
सन् १९९५ मा निर्माण सुरू भएको यस रंगशालामा सन् १९९८ बाट औपचारिक रुपमा उद्घाटन भएको थियो । यस रंगशालामा ८१ हजार ३ सय ३३ दर्शक अटाउने क्षमता छ।
यो युरोपको सर्वाधिक ठूलो स्टेडियममा पाँचौ नम्बरमा पर्छ।
स्टेड भेलोड्रोम
यो रंगशाला फ्रान्सको मार्सिले सिटीमा पर्छ। यस रंगशालामा समूह चरणका खेलहरू हुने छन्। सन् १९९३ बाट खुला गरिएको यो रंगशालामा ६७ हजार बढी दर्शक अटाउने क्षमता छ। यस रंगशालालाई युरोकपकै लागि पुन निर्माण गरिएको थियो।
पार्क ओलम्पिक लियोनेस
यो रंगशालामा लियोन नजिकको नयाँ रंगशाला हो। यो रंगशाला यूरोकपका लागि तयारी गरिएको हो। यो रंगशाला सन् २०१२ मा बनाउन सुरू गरेर १६ जनवरी २०१६ मा औपचारिक रुपमा खुल्ला गरिएको हो। यस रंगशालामा ५९ हजार बढी दर्शक अटाउने क्षमता छ।
स्टेड पिएर्रे मारया
यो रंगशाला पनि फ्रान्सको नयाँ रंगशाला हो। लिल्यो सिटीमा रहेको यस रंगशालामा सन् २०१२ बाट औपचारिक उद्घाटन भएको हो। यस रंगशाला ५० हजार दर्शक क्षमताको हो।
पार्क डेस प्रिन्सेस
यो रंगशाला फ्रान्सको राजधानी पेरिसमा छ। सन् १८९७ मा बनेको रंगशालामा ४८ हजार बढी दर्शक क्षमता छ।
माटमुट अटलान्टिक
यो रंगशाला पनि फ्रान्सको नयाँ रंगशाला हो। सन् २०१५ बाट खुला गरिएको यस रंगशालामा ४७ हजार दर्शक अटाउने गरि बनाइएको छ। यो रंगशाला बौर्डिओक्ससिटीमा अवस्थित छ ।
एलिनाज रिभेरा
यो रंगशाला सन् २०१३ बाट औपचारिक उद्घाटन गरिएको रंगशाला हो । नाइस सहरमा पर्ने यो रंगशाला ३५ हजार बढी दर्शक क्षमताको हो।
स्टेड जिओफ्री गुइचार्ड
यो रंगशाला फ्रान्सको पुरानो रंगशाला मध्ये एक हो। सन् १९३१ मा बनेको यस रंगशालामा ४२ हजार दर्शक अटाउँछन्। यो रंगशालामा युरोकपका लागि पुन निर्माण गरिएको हो।
स्टेड बोलार्ड डेललेस
सन् १९३३ मा बनेको यो रंगशाला लेन्च सहरमा पर्छ। तर, यो रंगशालामा युरोकपका लागि पुनर्निर्माण गरिएको हो। यस रंगशाला ३८ हजार बढी दर्शक क्षमताको छ।
स्टेडियम मुनिसिपल डी टोउलुस
यो रंगशाला फ्रान्सको पुरानो मध्येको एक हो। युरोकपकै लागि यो रंगशालालाई पुनर्निर्माण गरिएको हो। यो रंगशालामा ३३ हजार दर्शक अट्न सक्छन्।
